म्हणी –म्हणी म्हणजे अनुभवाची खाणी.दीर्घकालीन अनुभवावर आधारलेले
छोटे वाक्य म्हणजे म्हण. ही वाक्ये आटोपशीर व बोधप्रद असतात. म्हणीची रचना यमक,अनुप्रासयुक्त
असल्यामुळे ती लक्षात ठेवणे सोपे जाते. मोठा आशय अगदी थोडक्यात पण परिणामकारक पद्धतीने
सुतरबद्ध अशा वाक्यात प्रकट करणे म्हणजे म्हणीचा वापर करणे.
- 1. नाकापेक्षा मोती जड –कमी दर्जाच्या माणसाला अधिक महत्व देणे.शक्तीपेक्षा अवघड कामगिरी स्वीकारणे.2. नाक दाबले की तोंड उघडते –मर्मावर आघात केल्याशिवाय वठणीवर येत नाही.3. नकटीच्या लग्नाला सतराशे विघ्ने-दोषयुक्त काम करणार्याच्या मार्गात एकसारख्या अनेक अडचणी येतात.4. बळी तो कान पिळी-ससक्त इतरावरअधिकार गाजवतो.5. कांनामागून आली नि तिखट झाली –श्रेष्ठापेक्षा कनिष्ठ माणसे वरचढ ठरणे.6. डोळ्यात केर कानात फुंकर-भलत्याच ठिकाणी उपाय करणे.7. आपलेच दात आपलेच ओठ –नात्यातील माणसाविरुद्ध बोलणे अवघड होते.8. ओठात एक पोटात एक –बोलण्यात व कृतीत फरक असणे.9. लहान तोंडी मोठा घास –पात्रता नसताना मोठेपणाच्या गोष्टी बोलणे.10. आधी पोटोबा मग विठोबा –आधी स्वार्थ मग परमार्थ.11. हातच्या काकणाला आरसा कशाला ?-समोर दिसणार्या गोष्टिबदल पुरावा कशाला?12. हाताची पाची बोटे सारखी नसतात –सर्व माणसे सारख्या स्वभावाची नसतात.13. झाकली मूठ सव्वा लाखाची –दोष उघड न होणे चांगले.14. दृष्टी आड सृष्टी –आपल्या अपरोक्ष काय चालले आहे,हे न सांजलेलेच बरे15. हात फिरे तिथे लक्ष्मी वसे –कर्तुत्ववान माणसाला नेहमी यशप्राप्ती होते.16. हसतील त्याचे दात दिसतील –चांगली गोष्ट करताना कोणी हसले तर पर्वा न करणे.17. बुडत्याचा पाय खोलात –अवनती होऊ लागली म्हणजे चहूबाजूंनी होऊ लागते.18. उचलली जीभ लावली टाळ्याला –दुष्परिणामांचा विचार न करता बोलणे.19. उठता लाथ बसता बुक्की –प्रत्येक कृत्याबद्दल अद्दल घडवण्यासाठी पुन:पुन्हा शिक्षा करणे.20. अंगापेक्षा भोंगा मोठा –मूठ गोष्टीपेक्षा तिच्या अनुषंगीत गोष्टीचा बडेजाव मोठा.
No comments:
Post a Comment